Huelt Deel mat Ären Kanner un der éischter Editioun
Spill – Natur – Spaass

Fir d’Kanner & d’Elteren:  Alter 6-8 zu Brouch (Miersch)

Départ vum leschte Grupp: 15:00 Auer

D’Charly Bësch-Olympiade soll de Kanner unhand vu flotte Spiller d’wëll Déieren aus dem Bësch an d’Natur méi no bréngen.

Niewent verschiddenen Disciplinne gëtt wärend dem ganzen Dag och en Bastel- a Molatelier ugebueden.

Et gëtt gegrillt an natierlech och Gedrénks fir jiddereen. Den Erléis dovu geet un d’Fleegestatioun fir wëll Déieren zu Diddeléng.

Hei d’Detailer:

5 Disciplinne mat maximal 5 Kanner pro Grupp. Et kennen entweder scho fäerdeg Gruppen ugemellt ginn oder et gëtt en op der Platz an eng Grupp agedeelt.

Statiounen um Parcours:

1. Wien sinn ech? Geräischer erkennen
2. Spuere liesen
3. Gewei-Prezisiouns-Worf mat Réng
4. Wäitsprong vu Déieren
5. Wien sinn ech? Ausgesinn

Déi 5 Statiounen daueren am ganzen zirka 30 Minutten. Zum Schluss vun der Olympiade kritt all Kand e Präis an eng Urkunde. Fir de beschte Grupp gëtt et nach en Extra-Präis. Fir de Benevollen entgéint ze kommen, léit de Präis fir deelzehuele bei 5€. Natierlech dierfen d’Elteren d’Kanner och wärend dem Parcours begleeden.

Fir sech un ze mellen einfach eng Email bis spéitstens de 25 Mee 2018 un yeah@decharly.lu mat dem Numm / Virnumm vum Kand schécken.